Վրաստանում օդի ջերմաստիճանը կմոտենա 40 աստիճանի

Ամռան վերջին օրերին Վրաստանում շոգ է լինելու։

Շրջակա միջավայրի ազգային գործակալությունը բնակչությանը զգուշացնում է օգոստոսի 21-22-ը Վրաստանում սպասվող ջերմաստիճանի բարձրացման մասին։

Օդի ջերմաստիճանը վաղը և հաջորդ օրը արևմտյան Վրաստանում կարող է գերազանցել 39 աստիճանը, լեռնային շրջաններում՝ 35-37 աստիճան:

Օդի առավելագույն ջերմաստիճանը արևելյան հատվածում կլինի մինչև +38 աստիճան։

Շրջակա միջավայրի ազգային գործակալությունը նախազգուշացում է տարածել անտառային հրդեհների վտանգի մասին։

Արտակարգ իրավիճակների կառավարման ծառայությունը հորդորում է բոլորին ցուցաբերել քաղաքացիական պատասխանատվություն, անտառների ու դաշտերի մոտ խարույկներ չվառել, պիկնիկների ժամանակ աննկատ չթողնել կրակը։

Ծխի կամ կրակի առաջին նշանների դեպքում անմիջապես զանգահարեք 112։

---

---