Քանի՞ հյուրանոց կա Վրաստանում՝ նոր վիճակագրություն

Վրաստանում հյուրանոցային ծառայությունների ոլորտում 2023 թվականին կար 2435 տնտեսվարող սուբյեկտ, որոնք տնօրինում էին 2488 հյուրանոցներ և հյուրանոցային տիպի հաստատություններ, ինչը 12,4%-ով ավելի է 2022 թվականի ցուցանիշից, ասվում է Վրաստանի Ազգային վիճակագրական ծառայության «Սակստատ»-ի նյութերում։

Ծառայության տվյալներով՝ անցած տարի հիմնարկների 99,7%-ը եղել է մասնավոր, իսկ 0,3%-ը՝ պետությանը։

Վրաստանում այս ժամանակահատվածում գործող հյուրանոցների և հյուրանոցային տիպի հաստատությունների ընդհանուր մակերեսը կազմել է 3729,5 հազար քառակուսի մետր, ինչը 16,7 տոկոսով ավելի է 2022 թվականի ցուցանիշից։ Բոլոր սենյակների բնակելի մակերեսը կազմել է 1557,3 հազար քառակուսի մետր, ինչը 4,5%-ով ավելի է նախորդ տարվա համեմատ։

Գործող հյուրանոցներում և հյուրանոցային տիպի հաստատություններում մահճակալների ընդհանուր թիվը կազմել է 107,7 հազար, ինչը 10,1 տոկոսով ավելի է 2022 թվականի ցուցանիշից։ Սենյակների ընդհանուր թիվն աճել է 9,5%-ով և կազմել 50,1 հազ.

2023 թվականին Վրաստանում հյուրանոցները սպասարկել են 5 միլիոն հյուրի, ինչը 1,2 տոկոսով ավելի է, քան 2022 թվականին։ Ընդ որում, հյուրերի 60,2%-ը օտարերկրացիներ են, որոնց մեծ մասը (355 հազար) Ռուսաստանի քաղաքացիներ են։

ԵՄ երկրներից ժամանած օտարերկրյա հյուրերը կազմել են հյուրանոցի հյուրերի ընդհանուր թվի 7,2%-ը, որոնց մեծ մասը Գերմանիայի (29,2%) և Լեհաստանի (26,6%) քաղաքացիներ են։

Հանգստի և ժամանցի նպատակով հյուրանոցներում և հյուրանոցային տիպի հաստատություններում գտնվող օտարերկրյա հյուրերի մեծամասնությունը եղել են Իսրայելի և Ռուսաստանի Դաշնության քաղաքացիներ (համապատասխանաբար՝ 12,7% և 11,7%)։

Նախորդ տարի հյուրանոցային բիզնեսում զբաղված է եղել մոտ 26,5 հազար մարդ, որոնց 54,3 տոկոսը կանայք են։

---

---