Եթե չլինի ֆինանսավորում, չեմ կարողանա երազանքս իրականացնեմ․ Շուշան Մկրտչյան
Շուշան Մկրտչյանը Նինոծմինդայի շրջանի Փարվանա գյուղից է, նա 15 տարեկան է, իր ճանապարհը դեպի GIPA MediaLab սկսել է 2023 թվականի հունվարից։
GIPA MediaLab-ը Սամցխե-Ջավախեթիում սկսել է գործել 2016 թվականից։
Ինչպես նշեց Շուշանը GIPA MediaԼab-ը նախագիծ է, որն իրականացվում է Կախեթիի և Սամցխե-Ջավախեթիի շրջաններում էթնիկ փոքրամասնության մաս կազմող երեխաների համար, ովքեր սովորում են ֆոտո և վիդեո նկարահանումներ։
«Արդեն 2 տարի է, որ ես Փարվանա գյուղից գնում եմ GIPA որպեսզի այնտեղ սովորեմ և հասնեմ երազանքներիս: GIPA-ն ինձ ծանոթացրել է շատ մարդկանց հետ ու GIPA-ի հետ ես արդեն ընկերացել եմ», – ասում է Շուշանը:
Շուշանը ունի երազանք, բայց կանգնած է խնդրի առաջ․
«Ես այս տարի ուզում եմ դրամաշնորհ վերցնել և եթե չլինի ֆինանսավորում, չեմ կարողանա երազանքս իրականացնեմ ու այդ երազանքս կմնա անկատար»:
Մանրամասները աուդիո նյութում․
Տեղեկացնենք, որ Վրաստանի կառավարության ընդունած «Ռուսական օրենքը» սահմանափակում է ազատ և անկախ լրատվամիջոցների և հասարակական կազմակերպությունների աշխատանքը։
Ըստ այս օրենքի՝ օտարերկրյա դոնորներից 20%-ից ավելի միջոցներ ստացող լրատվամիջոցները և հասարակական կազմակերպությունները ստիպված են գրանցվել որպես օտարերկրյա տերության շահերը ներկայացնող կազմակերպություններ», հակառակ դեպքում՝ կտուգանվեն։ Որպես գործակալ չգրանցվելը կամ ֆինանսական հաշվետվություն չտրամադրելը կհանգեցնի 25 000 լարի տուգանքի: Սուբյեկտը 10 աշխատանքային օրվա ընթացքում պետք է էլեկտրոնային եղանակով լրացնի հայտ՝ Վրաստանի արդարադատության նախարարի կողմից սահմանված ձևով և այն ներկայացնի գործակալություն։
Դիմում լրացնելու և ներկայացնելու պարտավորությունը չկատարելու համար ենթադրվում է տուգանք՝ 10 000 լարիի չափով: Նույն արարքի համար նշանակված վարչական տույժի կիրառումից հետո մեկամսյա ժամկետում իրավախախտումը կրկնելը կրկին առաջացնում է տուգանք՝ 20 000 լարիի չափով։
Opinion, pooling and voting
