Ուսումնական տարվա մեկնարկը Նինոծմինդայի մունիցիպալիտետում

Այսօր` սեպտեմբերի 16-ին, Վրաստանում մեկնարկեց նոր ուսումնական տարին։ Այս ժամանակաշրջանը ենթադրում է նոր դասացուցակներ, դասընթացներ, ուսուցիչների հետ ծանոթություն և նոր գիտելիքներ ստանալու շրջան:

Ուսումնական տարվա մեկնարկը նաև հնարավորություն է նոր ընկերներ ձեռք բերելու և նախկին հարաբերությունները պահպանելու համար։

Նինոծմինդայի մունիցիպալիտետի դպրոցները մեծ խանդավառությամբ այսօր ընդունեցին աշակերտներին և առաջին դասարանցիներին։

Նինոծմինդայի թիվ 1 հանրային դպրոցը այս տարի ունի 44 առաջին դասարանցի, այս մասին մեզ հայտնեց դպրոցի տնօրեն Դիանա Փնջոյանը։

Նինոծմինդայի թիվ 3 հանրային դպրոցը այս տարի ունի 16 առաջին դասարանցի։ Դպրոցի տնօրեն Արմենուհի Ղարսլյանը, շնորհավորելով ուսումնական տարվա մեկնարկի կապակցությամբ, NOR ռադիոկայանին հայտնեց, որ բոլոր դպրոցների աշակերտները ապահովված են նոր դասագրքերով և պատրաստ են ընդունել աշակերտներին։

Մանրամասները աուդիո նյութում.

Նշենք, որ Նինոծմինդայի մունիցիպալիտետը այս տարի ունի 300 առաջին դասարանցի։ Նինոծմինդայի մունիցիպալիտետի Սպասովկա գյուղի թիվ 1 եւ թիվ 2, Սաղամոյի, Վլադիմիրովկայի դպրոցներում այս տարի չկան առաջին դասարանցիներ։

NOR ռադիոկայանը շնորհավորում է ուսուցիչներին, աշակերտներին, ուսանողներին նոր ուսումնական տարվա մեկնարկի կապակցությամբ՝ մաղթելով բազմաթիվ հաջողություններ։

---

---