Առանց մաքսավճարի ին՞չ կարող եք տանել Հայաստան

Օգոստոսի 19-ից Հայաստանում ուժի մեջ են մտել անձնական օգտագործման ապրանքների նոր կարգավորումներ:

Կարգավորումները վերաբերում են ցամաքային տրանսպորտով և հետիոտնային եղանակով ԵԱՏՄ անդամ չհանդիսացող պետություններից Հայաստան տեղափոխվող անձնական օգտագործման ապրանքներին:

Այսինքն՝ այս կանոնները վերաբերում են նաև Վրաստանից Հայաստան մուտքին։

Այսպիսով, ըստ նոր կարգավորումների, Ֆիզիկական անձինք առանց մաքսային վճարների Հայաստան կարող են ներմուծել 200 եվրոյին համարժեք դրամը և 10 կիլոգրամը չգերազանցող անձնական օգտագործման ապրանքներ:

Նախկինում անձնական օգտագործման ապրանքները Հայաստանի Հանրապետություն կարող էին ներմուծվել ցամաքային տրանսպորտով և հետիոտնային եղանակով՝ առանց մաքսատուրքերի և հարկերի՝ մինչև 500 եվրոյին համարժեք գումարի չափով և (կամ) 25 կիլոգրամից ոչ ավելի։

Ընդգծենք, որ ըստ ՀՀ ՊԵԿ կայքէջի հաղորդագրության՝ այս կանոնները չեն տարածվում ներմուծվող անձնական օգտագործված ապրանքների չափաքանակի վրա։

Անձնական օգտագործված ապրանքներ են համարվում ուղևորության ընթացքում և նշանակման վայրում օգտագործման նպատակով ակնհայտ օգտագործման նշաններ ունեցող ապրանքները (մաշվածությունը, հաշվեպիտակների, ապրանքանիշների, պիտակների, առաջնային փաթեթվածքի բացակայությունը և այլն): Հաշվի է առնվում նաև սեզոնայնությունը, ուղևորության նպատակը, տրանսպորտի տեսակը, ԵԱՏՄ սահմանը հատելու հաճախականությունը։

Այս մասին  հաղորդում է jnews.ge-ը:

---

---