Մեկ ամսում Սամցխե-Ջավախքում բացահայտվել է ապօրինի որսի 10 դեպք

Շրջակա միջավայրի պահպանության և գյուղատնտեսության նախարարության բնապահպանական վերահսկողության վարչության աշխատակիցները չվող թռչունների որսի սեզոնի բացումից հետո մեկ ամսվա ընթացքում (օգոստոսի 24-ից սեպտեմբերի 24-ը) բացահայտել են ապօրինի որսի 215 դեպք։

Ապօրինի որսի ամենաշատ դեպքերը՝ 64 դեպք գրանցվել է Սամեգրելո-Զեմո Սվանեթիում; Իմերեթում հայտնաբերվել է 57 խախտում, Շիդա Քարթլիում՝ 28, Գուրիայում՝ 16, Մցխեթա-Մթիանեթիում՝ 14, Կախեթում՝ 12, Սամցխե-Ջավախքում՝ 10, Քվեմո Քարթլիում՝ 9, Աջարիայում՝ 2, Ռաչա-Լեչխումիումում՝ 1։ .
Բնապահպանական վերահսկողության վարչության աշխատակիցները Թբիլիսի քաղաքի վարչական սահմաններում կանխել են ապօրինի որսի 2 դեպք։

Հայտնաբերված խախտումներից 200-ը արգելված զենքերով կամ մեթոդներով որսի փաստեր են։ 15 դեպքում իրավախախտները որս են իրականացրել՝ չվճարելով շրջակա միջավայրից չվող թռչունների հեռացման համար սահմանված տուրքը, 1-ը՝ որսի կանոնների խախտում։ Որսագողերը ապօրինի որս են արել 27 միավոր լոր.

Որսի սեզոնի մեկնարկից 1 ամսվա ընթացքում հանվել է թռչուններին գրավելու համար ձայնային ազդանշաններ արձակող 198 միավոր էլեկտրոնային սարքեր։
Ապօրինի որսի փաստերը հայտնաբերելու և կանխելու նպատակով բնապահպանական վերահսկողության վարչության աշխատակիցները որսի սեզոնին 24-ժամյա ուժեղացված հսկողություն են իրականացնում Վրաստանի ողջ տարածքում։ Բացի այդ, Շրջակա միջավայրի պահպանության և գյուղատնտեսության նախարարության թեժ գծով (153) ստացված յուրաքանչյուր հաղորդագրությանն իրականացվում է անհապաղ արձագանք։

---

---