Ինչու խոչընդոտվեց ԱՄՆ-ից Վրաստան ավտոմեքենաների ներմուծումը
«ԱՄՆ-ում նավահանգստային աշխատողների գործադուլը դադարեցրեց մեքենաների առաքումը դեպի Վրաստան», – այս մասին հայտնել է Ավտոիմպորտողների ասոցիացիայի նախագահ Ալեքսի Նոնիձեն: Նրա խոսքով, հնարավոր է, որ մեքենաների ինքնարժեքը նույնպես աճի:
«Կացության բարելավման համար, հավանաբար, 1 ամիս կպահանջվի, և դա լավագույն դեպքում։ Ստեղծված իրավիճակը, իհարկե, կբարձրացնի մեքենաների արժեքը։ Դժվարանում եմ ասել, թե որքանով կաճի գինը։ Շատ մեծ քանակությամբ ապրանք է կուտակվել այս նավահանգիստներում», – ասել է Ալեքսի Նոնիձեն։
Հոկտեմբերի 1-ին տարածվել էր տեղեկություն, որ ԱՄՆ-ի արևելյան ափի և Մեքսիկական ծոցի նավահանգիստների աշխատողները գործադուլ են սկսում։ Գլխավոր պահանջը աշխատավարձերի բարձրացումն էր։ Փակվել էր 36 նավահանգիստ։ 1977 թվականից ի վեր սա առաջին լայնածավալ գործադուլն էր, որը ԱՄՆ-ն երեք օրում լուծեց։ Մամուլի հաղորդմամբ՝ երկիրը միայն մեկ օրվա գործադուլից 5 միլիարդ դոլար էր կորցնում։
Կասեցված աշխատանքային գործընթացների պատճառով կուտակվել է մեծ քանակությամբ բեռ, ինչը երկարացնում է դրանց տեղափոխման ժամանակը և մեծացնում ծախսերը ԱՄՆ-ից Վրաստան մեքենաների տեղափոխման համար։ «Կովկասյան Ավտոիմպորտ»-ը տարածած հայտարարության մեջ նշում է, որ նրանք, ովքեր արդեն գնել են մեքենա թանկացած սակագնով, արժեքը կկարգավորվի և կվերադառնա գործադուլից առաջ եղած մակարդակին:
«Կողմերի միջև ձեռք բերված համաձայնության արդյունքում ԱՄՆ-ի արևելքի և Մեքսիկական ծոցի նավահանգիստների աշխատողների գործադուլը ավարտվել է:
Կասեցված աշխատանքային գործընթացների պատճառով կուտակվել է մեծ քանակությամբ բեռ, ինչը երկարացնում է դրանց տեղափոխման ժամանակը և մեծացնում ծախսերը։ Կովկասյան Ավտոիմպորտը ամբողջությամբ իր վրա է վերցնում բոլոր հավելյալ ծախսերը, հետևաբար տեղափոխման արժեքը վերադառնում է գործադուլից առաջ եղած սակագնին։
Մեր թիմը աշխատում է ինտենսիվ ռեժիմով՝ ապահովելու համար, որ, չնայած ստեղծված իրավիճակին, բեռների տեղափոխումը տեղի ունենա նվազագույն ձգձգումներով։ Շնորհակալություն համագործակցության համար», – նշված է ընկերության տարածած հայտարարության մեջ:
Opinion, pooling and voting
