«Ամոթ է», «Զիբիլածին», «Խիղճ ունեցե՛ք»․ Նոր գրություններ աղբ նետողների համար

Նինոծմինդայի մունիցիպալիտետի Հեշտիա տանող ճանապարհահատվածի եզրերը ամբողջ երկայնքով՝ ներառյալ մինչև Թորիա գյուղը, ամբողջությամբ վերածվել է աղբանոցի։ Սա ևս մեկ անգամ փաստում է այն մասին, որ բնակիչները հոգ չեն տանում բնության մաքրության մասին։

Աղտոտելով բնությունը՝ բնակիչները առաջինը վնասում են իրենց և չեն մտածում, որ այդ օդը շնչում ու տհաճ տեսարանին ականատես են լինում հենց իրենք ու իրենց երեխաները։

Նշենք, որ ամբողջ ճանապարհահատվածի եզրերի երկայնքով լցված են պոլիէթիլենային տոպրակներ, պլաստմասե և ապակե շշեր, պլաստմասե բաժակներ, թղթեր, ծխախոտի դատարկ տուփեր և այլ տեսակի աղբ։