Վրաստանի 199 109 չափահաս քաղաքացի չունի անձը հաստատող փաստաթուղթ

2024 թվականի սեպտեմբերի 30-ի դրությամբ Վրաստանի 199 109 չափահաս քաղաքացի չունի անձնագիր կամ էլեկտրոնային նույնականացման քարտ։ Այս մասին Արդարադատության նախարարության ծառայությունների զարգացման գործակալությունը հայտնել է «Ազգային շարժում» խմբակցության նախագահ Թինա Բոկուչավային՝ ի պատասխան խորհրդարանի հարցման։

Փաստաթղթի համաձայն՝ սեպտեմբերի 30-ի դրությամբ Վրաստանում ընդհանուր առմամբ 882 052 քաղաքացի չունի անձը հաստատող փաստաթուղթ։

Հայտնի է նաև, որ Վրաստանի 3 345 274 քաղաքացի ունի վավեր էլեկտրոնային անձը հաստատող փաստաթուղթ։ Նրանցից 141 572-ը անչափահաս են, 3 203 702-ը՝ մեծահասակ։

Միայն անձնագիր ունեցող քաղաքացիների թիվը 458 234 մարդ է։ Նրանցից 164 371-ը անչափահաս են, 293 863-ը չափահաս են։

---

---