Մարզերում կոռուպցիոն փաստերի ծավալը գերազանցել է 3 միլիարդ լարին. TI

«Թրանսփարենսի Ինթերնեշնլ Վրաստան»-ը կոռուպցիոն քարտեզի թարմացված տարբերակն է հրապարակել, որի վրա նշված են պաշտոնյաների և Բիձինա Իվանիշվիլիի հետ առնչվող ընկերությունները, որոնք 2013 թվականից Վրաստանի տարբեր շրջաններում պետական ​​գնորդներից ստացել են ընդհանուր առմամբ ավելի քան 3 մլրդ 280 մլն լարի։

Այդ գումարի գրեթե մեկ երրորդը՝ ավելի քան 1 մլրդ 130 մլն լարի, նրանց է հաշվեգրվել միայն 2024 թվականին։

Կազմակերպության գնահատմամբ՝ կոռուպցիոն փաստերի քանակն ու մասշտաբը այնպիսի զգացողություն է առաջացնում, որ երկրում վառվել է ժողովրդի հաշվին արտոնյալ մարդկանց հարստացման կանաչ լույսը։

«Թրանսփարենսի Ինթերնեշնլ Վրաստան»-ը նշում է, որ կոռուպցիայի նշաններ պարունակող գնումների պատկերն ըստ տարածաշրջանների ունի հետևյալ տեսքը.

• Աջարիա – 933 060 894 լարի
• Սամցխե – Ջավախք՝ 841 145 309 լարի
• Շիդա Քարթլի – 427 245 670 լարի
• Կախեթի – 442 000 000 լարի Իմերեթի, Ռաչա-Լեչխումի 500 131 038 լարի
• Սամեգրելո – Զեմո Սվանեթի` 138 371 368 լարի:

«Վրաստանի շրջաններում կոռուպցիոն դեպքերի թիվն ավելանում է, ինչը դառնում է անվերահսկելի, քանի որ համապատասխան կառույցները կամ ընդհանրապես չեն արձագանքում դրանց, կամ հանրությանը տեղեկատվություն չեն տրամադրում այդ դեպքերով իրենց հետաքրքրության մասին։ – գրում է TI-ը: Փոխանցում է publika-ն:

---

---