ՃՏՊ Ախալքալաք-Նինոծմինդա ավտոճանապարհին. Վիրավորվել է երեք մարդ
Այսօր՝ հոկտեմբերի 26-ին, Ախալքալաք-Նինոծմինդա ավտոճանապարհին՝ Ջիգրաշեն գյուղի մոտակայքում տեղի է ունեցել ավտովթար: Ականատեսների վկայությամբ՝ վարորդը կորցրել է կառավարումը, ավտոմեքենան դուրս է եկել ճանապարհի երթևեկելի հատվածից և շրջվել։ Մեքենայում երեք մարդ է եղել, բոլորը վիրավորվել են։
Դեպքի վայրում են ոստիկաններն ու շտապօգնության աշխատակիցները։
Նինոծմինդայում այսօր երեք վթար է տեղի ունեցել, երկուսի դեպքում մարդիկ չեն տուժել։
