Վրաստանի իշխանությունները երկիրը հեռացնում են ԵՄ-ից. Բորել
«Վրաստանի իշխանությունները երկիրը հեռացնում են ԵՄ-ից»,- Բրյուսելում ընդլայնման վերաբերյալ Եվրահանձնաժողովի զեկույցը ներկայացնելիս ասել է Եվրամիության բարձր ներկայացուցիչ Ժոզեպ Բորելը։ Եթե Վրաստանի իշխանությունները քաղաքական կամք դրսևորեն, «մենք կառաջարկենք ընդլայնման կոնկրետ ծրագիր»,- նշում է եվրոպացի քաղաքական գործիչը։
«Վերջին ամիսներին մենք նկատում ենք վրացական իշխանությունների կոնսոլիդացված միտում, որ երկիրը հեռանում է եվրոպական ճանապարհից, նրա արժեքներից և սկզբունքներից։ Եթե Վրաստանի կառավարության կողմից քաղաքական կամք լինի, մենք կրկին առաջարկում ենք մերձեցում Եվրամիության հետ։
Պետք է չեղյալ համարել «Օտարերկրյա ազդեցության թափանցիկության մասին» օրենքը, որը բացասաբար է ազդել քաղաքացիական հասարակության և լրատվամիջոցների վրա, նույնը վերաբերում է «Ընտանեկան արժեքների մասին» օրենքին։ Սա կլինի Վրաստանի կողմից համարժեք քայլերի առաջին ցուցանիշը»,- ասում է ԵՄ բարձր ներկայացուցիչը։
Բորելը նաև մեկնաբանել է Վրաստանում կայացած խորհրդարանական ընտրությունները.
«Դրանք աչքի են ընկնում լուրջ խախտումներով, որոնք պետք է թափանցիկ և անկախ հետաքննվեն։ Այս խախտումները չեմ թվարկի, բայց դրանք շատ են։
Կարևոր է ընդգծել, որ անկախ դիտորդները չեն զեկուցել, որ ընտրություններն անցել են ազատ և արդար, և դա պահանջում է հետաքննություն՝ պարզելու տեղի ունեցածը, խախտումների չափը և ինչպես է դա ազդել արդյունքների վրա», – ասել է Բորելը:
Opinion, pooling and voting
