130 տարվա մեջ առաջին անգամ Ֆուձիյամա լեռը առանց ձյան է մնացել
Ճապոնիայի ամենաբարձր լեռը՝ Ֆուձիյամաի գագաթը, դեռ ձյունով ծածկված չէ, թեև դա սովորաբար տեղի է ունենում հոկտեմբերի սկզբին։ 1894 թվականից ի վեր առաջին անգամ լեռը առանց ձյան է մնացել, հայտնում է CNN-ը։
Օդերեւութաբանները որպես ձյան ռեկորդային պակասի պատճառ նշել են բարձր ջերմաստիճանն ու անձրեւը։ Ճապոնիայի օդերևութաբանական գործակալությունը հայտնել է, որ Ֆուձիյամա լեռան վրա ձյան գլխարկները սովորաբար սկսում են ձևավորվել հոկտեմբերի 2-ին: Ավելին, 2023 թվականին ձյունը ծածկել է լեռան գագաթը հոկտեմբերի սկզբին և մեկ ամիս անց հալվել։ Ֆուձիյամա լեռան նախկին ռեկորդները գրանցվել են 1955-ին և 2016-ին, երբ ձյուն տեղաց հոկտեմբերի 26-ին:
Ավելի վաղ Ռուսաստանի հիդրոօդերեւութաբանական կենտրոնի գիտական ղեկավար Ռոման Վիլֆանդը հայտնել էր, որ 2024 թվականը կարող է դառնալ ամենատաքը դիտարկումների ողջ պատմության մեջ։ Օդերեւութաբանի տվյալներով՝ գլոբալ տաքացումը ազդում է մոլորակի համակարգի բոլոր բաղադրիչների վրա։
