Գողության թիրախում են հայտնվել աղբարկղի անիվները
Մայիսի 15 առավոտյան Նինոծմինդա քաղաքի Մաշտոց և Այվազովսկի փողոցների բնակիչները նկատել են, որ իրենց փողոցում օրերս տեղադրված աղբարկղի անիվները բացակայում են:
Թե ով և ինչ նպատակով են գողացել աղբարկղի անիվները, ոչ ոք չի նկատել և տեղյակ չէ:
Անիվների բացակայությունը դժվարացնում է կոմունալ ծառայության աշխատակիցների աշխատանքը:
Հիշեցնենք, որ Նինոծմինդայի մունիցիպալիտետում մաքրություն պահպանելու նպատակով ձեռք էր բերվել 100 աղբարկղ` 1 տոննա տարողությամբ: Սակայն, ինչպես իրականությունն է ցույց տալիս, բնակչությունը չի գիտակցում և պատշաճ կերպով չի վերաբերում մունիցիպալ գույքին:
Գարուշ Արզումանյան