Վրաստանն այս տարի Ամերիկայից գնել է 103 206 մեքենա. որքա՞ն է վերաարտահանման ցուցանիշը

2024 թվականի հունվար-սեպտեմբերին Վրաստան է ներկրվել 144 867 ավտոմեքենա, որոնց ընդհանուր արժեքը գերազանցել է 2,34 մլրդ ԱՄՆ դոլարը։

Նշենք նաև, որ նվազել է ավտոմեքենաների ներմուծումը, մասնավորապես, 2024 թվականի 9 ամսում Վրաստանը 2,55 մլրդ դոլարով գնել է 166 485 ավտոմեքենա։

Վրաստանն այս տարի մեքենաների ամենամեծ մասը գնել է Ամերիկայից։ Մասնավորապես, այս տարի ԱՄՆ-ից ներկրվել է 103 206 ավտոմեքենա, որոնց ընդհանուր արժեքը հասել է 1,25 մլրդ դոլարի։

Վերջին 5 տարում (հունվար-սեպտեմբեր) Ամերիկայից մեքենաների ներմուծումն աճել է, սակայն նախորդ տարվա 9 ամիսների համեմատ ցուցանիշները նվազել են։ Օրինակ՝ անցյալ տարի Ամերիկայից գնվել է 118 832 մեքենա։

Նշենք նաեւ, որ այս տարվա հաշվետու ժամանակահատվածում Վրաստանից վերաարտահանվել է 78 610 ավտոմեքենա, որից եկամուտը կազմել է 1,76 մլրդ դոլար։ Սա այն դեպքում, երբ 2023 թվականի հունվար-սեպտեմբերին վերաարտահանվել է 79 316 ավտոմեքենա, որոնց արժեքը հասել է 1,57 մլրդ դոլարի։

Վրաստանում ավտոմեքենաների վերաարտահանումը հիմնականում եղել է Ղազախստան և Ղրղզստան։ Ղազախստան է արտահանվել 37 304 մեքենա (551 մլն դոլար արժողությամբ), իսկ Ղրղզստան՝ 23 209 մեքենա (838 մլն դոլար արժողությամբ)։

---

---