Վրաստանի քաղաքացին Հունաստանում կծել է ոստիկանի շրթունքը. Նրան սպասվում է 18 ամսվա ազատազրկում

Սալոնիկում (Հունաստան) Վրաստանի 49-ամյա քաղաքացին դատապարտվել է 18 ամսվա ազատազրկման։

Փաստաթղթերի ստուգման ժամանակ նա նախ փորձել է փախչել, իսկ հետո գլխով հարվածել է ոստիկանին ու կծել նրա շրթունքը։ Հետո ասել, որ հեպատիտ C ունի։

Ոստիկանին հակաբիոտիկներ են նշանակել և պատվաստում արել, գրում են տեղական լրատվամիջոցները։

Մեղադրական եզրակացության մեջ նշվում է, որ կալանավորը գողություն կատարելու համար գործիքներ է ունեցել, սակայն նա հերքում է։