Թորիայի խաղահրապարակն ու դրա շուրջ խնդիրները
Նինոծմինդայի մունիցիպալիտետի Թորիա գյուղում կառուցվել է երեխաների համար նախատեսված խաղահրապարակ։ Ավելի հստակ՝ տեղադրվել են մի քանի սղարան և ճոճանակներ։
Թորիա գյուղի բնակիչները վաղուց էին երազում խաղահրապարակի մասին:
Գյուղում կան շատ երեխաներ, բայց նրանց զվարճանքի համար գրեթե ոչինչ չկար: Բնակիչները գոհ են այն փաստից, որ այժմ գյուղում երեխաների համար կա խաղի եւ հանգստի վայր, սակայն մյուս կողմից էլ մտահոգված են, որ խաղահրապարակը կառուցվել է ոչ այնքան բարեկարգ տարածքում։
Բանն այն է, տվյալ տարածքի հատվածում առկա է գոմաղբ ու խոշոր քարեր և հատկապես քարերի առկայությունը վտանգավոր է դարձնում երեխաների ժամանցը։
Վերոնշյալ խնդրով դիմեցինք Նինոծմինդայի մունիցիպալիտետի ենթակառուցվացքների ծառայության բաժին։
Այն հարցին, թե ինչ սկզբունքով է ընտվրել տվյալ տարածքը, մեզ պատասխանեցին, որ տարածքը ընտրել են հենց բնակիչները։ Ենթակառուցվացքների ծառայության բաժնից նաև հայտնեցին, որ այս տարի և 2025 թվականին բարեկարգում չի նախատեսվում , սակայն գյուղացիները կարող են գյուղի ծրագրով նախատեսված գումարով բարեկարգել խաղահրապարակի տարածքը։
Բնակիչներն էլ իրենց հերթին չեն ուզում զիջել այն տարածքը, որը ավելի հարմարավետ կլիներ խաղահրապարակի կառուցման համար։
Opinion, pooling and voting
