Քաղաքապետարանից NOR-ին հայտնեցին, որ Նինոծմինդայի գյուղեր տանող ճանապարհները բաց են
Այսօր, չնայած առատ ձյան տեղումներին, Նինոծմինդայի մունիցիպալիտետի գյուղեր տանող ճանապարհները փակ չեն։ Ինչպես NOR ռադիոկայանին հայտնեց Նինոծմինդայի փոխքաղաքապետ Արմեն Բդոյանը, չնայած որոշ դժվարություններին, այնուամենայնիվ հնարավոր է տեղաշարժվել։
«Համայնքների ներկայացուցիչներից տեղեկություն չունեմ ճանապարհների ամբողջական փակ լինելու մասին։ Սակայն մի քանի գյուղերում՝ Փոքր Խանչալիում, Սպասովկայում և Կաթնատուում ճանապարհը համեմատաբար դժվարանցանելի է։ Տեխնիկան աշխատում է, և ցերեկային ժամերին այս հատվածներով երթեւեկությունն էլ ավելի կհեշտանա»,- նշեց Արմեն Բդոյանը։
Այս պահին տեխնիկական աշխատանքներ են տարվում ճանապարհներին տեղացած ձյունը մաքրելու ուղղությամբ, որպեսզի գյուղերի միջև տեղաշարժն անխափան իրականացվի։
Լսեք ավելին փոխքաղաքապետ Արմեն Բդոյանի հետ զրույցում.
Opinion, pooling and voting
