«Ռուսական օրենքը» որպես խոչընդոտ Վրաստանի եվրոպական ապագայի համար
Երիտասարդ ակտիվիստ Թոռնիկե Կուրտանիձեի խոսքով, վրացական իշխանություններն ընդունել են այնպիսի օրենքներ, որոնք, ըստ էության, դեմ են Վրաստանի եվրաինտեգրման ճանապարհին՝ սահմանափակելով ազատությունն ու ժողովրդավարական զարգացումը։
«Այս օրենքը բացահայտ ռուսական է։ Դրա բովանդակության քննարկումը, իմ կարծիքով, ուղղակի անտեղի է։ Դրա հետևում ոչ թե թափանցիկությունն է կամ անվտանգության բարելավումը, այլ ազատ միտքը սահմանափակելու, հասարակական կազմակերպությունները ոչնչացնելու և լրատվամիջոցների գործունեությանը միջամտելու ցանկությունը»,- ասում է Թոռնիկեն։
Նրա խոսքով, «ռուսական օրենքը» ուղղակիորեն հակասում է Վրաստանի սահմանադրությանը եւ միջազգային պարտավորություններին, ինչն անդառնալի խոչընդոտ է դառնում երկրի եվրաինտեգրման համար։
«Կարտելի սահմանադրության մեջ հստակ նշված է, որ երկրի բոլոր ինստիտուտները պետք է աշխատեն եվրաինտեգրման համար։ Երբ մեր արևմտյան գործընկերները մեզ ասում են, որ այս օրենքի գոյությունն անհնարին կդարձնի անդամակցությունը Եվրամիությանը, դա արդեն բավարար պատճառ է ճանաչելու դրա անհամապատասխանությունը ինչպես մեր ներքին օրենսդրությանը, այնպես էլ միջազգային սկզբունքներին։
Թոռնիկեի խոսքով, նշված օրենքը խոչընդոտ է ոչ միայն երկրի եվրոպական հեռանկարին, այլև՝ նրա ժողովրդավարական զարգացման համար։
«Այս օրենքը դեմ է խոսքի ազատությանը, որը ժողովրդավարության հիմնական հենասյուներից է։ Այն սահմանափակում է ոչ առևտրային կազմակերպությունների և լրատվամիջոցների գոյությունը, ինչը բացասաբար է անդրադառնում յուրաքանչյուր անձի իրավական կարգավիճակի վրա։ Նման պայմաններում ժողովրդավարական զարգացումն անհնար է»։
Նա ընդգծում է Վրաստանի համար միջազգային հանրության կարևորությունը և նշում, որ ժողովրդավարական զարգացման և եվրոպական ինտեգրման համար քաղաքացիների կամքը անդիմադրելի է։
«Միջազգային հանրությունը աջակցում է Վրաստանի քաղաքացիներին Եվրամիություն տանող ճանապարհին։ Ուստի մեզ համար կարևոր է աջակցել նրանց, ինչը հստակ երևում է նրանց որոշումներում։ Այս օրենքը դեմ է բոլոր սկզբունքներին ու արժեքներին, որոնք հիմք են հանդիսանում ժողովրդավարական հասարակության համար։ Նա ունի միայն մեկ ճանապարհ՝ չեղարկել: Միայն դրանից հետո մենք կկարողանանք ամբողջությամբ շարունակել մեր ճանապարհը դեպի Եվրոպա»,- կարծում է ակտիվիստ Թոռնիկեն։
Opinion, pooling and voting
