Պաշտպանության նախարարության աշխատակիցները իշխանության որոշմանը դեմ են
ՊՆ ներկայիս աշխատակիցները հանդես են գալիս համատեղ հայտարարությամբ՝ տարանջատվելով «Վրացական երազանք»-ի կայացրած որոշումից։
«Մեր հիմնական պարտականությունը՝ որպես Վրաստանի պաշտպանության նախարարության աշխատակիցներ, պետության անվտանգության ամրապնդումն է, պաշտպանական կարողությունների բարձրացման և Վրաստանի Սահմանադրության նկատմամբ հավատարմության մասին հոգալը։
Վրաստանի պաշտպանության նախարարությունը երկար տարիներ հաջողությամբ սպասարկում է երկրի ազգային շահերը՝ մի կողմից՝ պաշտպանական ուժեր կառուցելով, մյուս կողմից՝ նպաստելով Վրաստանի եվրոպական և եվրատլանտյան ինտեգրմանը։
Եվրոպական և եվրատլանտյան ինտեգրումը երկրի անվտանգության և ինքնիշխանության հետագա ամրապնդման այլընտրանքային միջոց է, ինչպես նաև արտաքին և անվտանգության քաղաքականության հիմնական գերակայությունը, որը հաստատված է ինչպես Վրաստանի Սահմանադրությամբ, այնպես էլ ազգային և հայեցակարգային բոլոր փաստաթղթերով:
Մենք գիտակցում ենք եվրոպական և եվրատլանտյան կառույցների հետ Վրաստանի համագործակցության կարևորությունը և արևմտյան գործընկերների ներդրումը Վրաստանի պաշտպանական և զսպման կարողությունների զարգացման գործընթացում։
Մենք ծառայում ենք Վրաստանին»,– ասված է ՊՆ մոտ 40 ակտիվ աշխատակիցների տարածած հայտարարության մեջ։