Բացահայտվել են սուրճի անսպասելի օգուտները

Սուրճի ամենօրյա օգտագործումը երկարացնում է կյանքը, ասում է Անգլիայի Ռասկինի համալսարանի կենսաբժշկական գիտությունների պրոֆեսոր Ջասթին Ստեբինգը: Սուրճի անսպասելի օգուտների մասին նրա խոսքերը հայտնում է The Sun-ը։

400,000 մարդկանց շրջանում անցկացված հետազոտությունը ցույց է տվել, որ 12-13 տարի սուրճ խմելն առաջացնում է մահվան ավելի ցածր ռիսկ, ասել է Ստեբինգը: Ավելին, պրոֆեսորը նշել է, որ ամենաուժեղ ազդեցությունը նկատվել է նրանց մոտ, ովքեր խմել են օրական չորսից հինգ բաժակ:

«Այս երկարակեցության էֆեկտը կարելի է բացատրել սուրճի հատկությունների կուտակային ազդեցությամբ, որոնք պաշտպանում են տարբեր հիվանդություններից»,- պարզաբանել է փորձագետը։

Պրոֆեսորը պարզաբանել է, որ սուրճը կարող է պաշտպանել սրտի հիվանդություններից և ինսուլտներից, 2-րդ տիպի շաքարախտից, լյարդի հիվանդություններից, քաղցկեղից և նեյրոդեգեներատիվ հիվանդություններից։ Ստեբինգը որպես սուրճի մեկ այլ օգուտ նշել է հոգեկան առողջության օգուտները: Նրա խոսքով՝ սուրճ խմողների մոտ 20 տոկոսով նվազում է դեպրեսիայի առաջացման վտանգը։

---

---