Ձյուն, բուք, քամու ուժգնացում, վատ տեսանելիություն. Վրաստանում եղանակը կվատթարանա

Դեկտեմբերի 12-ից 14-ին Վրաստանում սպասվում են տեղումներ, լեռնային և բարձրադիր վայրերում տեղ-տեղ՝ առատ ձյուն և բուք, քամու ուժգնացում՝ արևմտյան ուղղությամբ, ծովում փոթորիկ՝ 4-5 բալ։ Դեկտեմբերի 14-ին հարթավայրերում սպասվում են տեղումներ՝ առավելապես ձյան տեսքով։

Արևմտյան Վրաստանի գետերի վրա սպասվող տեղումները կարող են առաջացնել ջրի մակարդակի զգալի բարձրացում, սողանքային-հեղեղային գործընթացների սկիզբ և ակտիվացում իսկ երկրի բարձրլեռնային շրջաններում ձնահյուսի ձևավորում։

Առատ ձյան, ձնահյուսի վտանգի, մերկասառույցի և ավտոճանապարհների որոշ հատվածներում վատ տեսանելիության պատճառով հնարավոր է սահմանափակվի երթևեկությունը։

---

---