Թբիլիսիում 18-ամյա տղային հրել են գնացքի տակ․ վերջինս մահացել է
Մետրոյի «Պետական համալսարան» կայարանում ուղեւոր է ընկել ռելսերի վրա, հաղորդում է Թբիլիսիի մետրոպոլիտենի մամուլի ծառայությունը։ Երիտասարդը մահացել է.
Ականատեսները պատմել են, որ մահացածը, դատելով արտաքինից, մոտ 18 տարեկան էր, նրան հրել էր ուղիղ գնացքի անիվների տակ մեկ այլ տղամարդ՝ հենց այն պահին, երբ գնացքը մոտենում էր. Լրատվամիջոցների ձեռք բերած կադրերը հաստատում են, որ սա միանշանակ ինքնասպանություն չէ։
Միջադեպի պատճառով մետրոյի «Սաբուրթալո» գծի երթեւեկությունը ժամանակավորապես սահմանափակվել է, հայտնում է «Վրաստանի լուրեր» գործակալությունը։
Ներքին գործերի նախարարությունից «Ազատություն» ռադիոկայանի վրացական ծառայությանը հաստատել են, որ ուղևորին միտումնավոր հրել են գծերի վրա։ Նախաքննությունը տարվում է Քրեական օրենսգրքի 108 հոդվածով, որը ենթադրում է դիտավորյալ սպանություն։
«Հանցագործության մեջ մեղադրվողն առանց հապաղելու բերման է ենթարկվել»,- «Ազատություն» ռադիոկայանին փոխանցեցին վարչությունից։
Opinion, pooling and voting
