Ղաուրմա գյուղում տեղ-տեղ գիշերային լուսավորություն չկա
Նինոծմինդայի մունիցիպալիտետի Ղաուրմա գյուղում մի շարք բնակիչներ իրենց փողոցում չունեն լուսավորություն։ Լուսավորություն չկա գյուղի կենտրոնական փողոցում և դպրոցի տարածքում՝ արդեն երկու ամիս։
Խնդիրը բարձրաձայնելու համար NOR ռադիոկայանին են դիմել Ղաուրմա գյուղի բնակիչները։
Պարզելու համար, թե ինչ միջոցներ են ձեռնարկվելու նշված խնդիրների շուրջ, NOR ռադիոկայանի լրագրողը հեռախոսազրույց ունեցավ Ղաուրմա գյուղի ներկայացուցիչ Եգոր Քոթոյանի հետ։ Մեր այն հարցին՝ տեղյակ են արդյոք, որ գյուղում առկա է գիշերային լուսավորության խնդիր և ինչ միջոցներ են ձեռնարկվում այդ ուղղությամբ։ Վերջինս պատասխանեց․ «Գիշերային լուսավորության բացակայության պատճառը այն է, որ լամպերը վառվել են»։ Մեր այն հարցին, թե երբ խնդրին լուծում կտրվի, Քոթոյանը պատասխանեց, որ կոնկրետ ժամանակ չի կարող նշել և հավելեց. «Օրերս կապնվեք, այդ խնդրի լուծման պատասխանը կտանք»։
Opinion, pooling and voting
