Ամանորյա միջոցառումների շքերթը թիվ 2 հանրային դպրոցում շարունակվում է

Այսօր՝ դեկտեմբերի 27-ին շարունակվեց ամանորյա միջոցառումը Նինոծմինդայի թիվ 2 հանրային դպրոցում։ Այս անգամ միջոցառման մասնակիցները 6-12-րդ դասարանի աշակերտներն էին։

Ինչպես նշեց աշակերտուհի Զոյա Ղարսլյանը, միջոցառումը կազմակերպվել էր ուսուցիչների օգնությամբ: Նա նշեց. «Այսօր Նինոծմինդայի թիվ 2 հանրային դպրոցում կայացավ ամանորյա միջոցառում, որտեղ մասնակցում էին դպրոցի բոլոր աշակերտները, իհարկե մեզ աշակերտներիս օգնել էին մեր դասղեկները և մյուս ուսուցիչները, այսօր ցանկանում եմ բոլորին մաղթել ամենակարևորը առողջություն, բարություն և հաջողություն այս Ամանորին»։

Աշակերտները կազմակերպել էին հետաքրքիր և զվարճալի խաղեր, որտեղ մասնակցում էր հանդիսատեսը։ Հաղթողները պարգևատրվում էին նվերներով։ Ինչպես նաև ներկայացվեցին հայկական և վրացական ազգային պարեր։

Նշենք որ, երեկ` դեկտեմբերի 26-ին ևս միջոցառում էր թիվ 2 դպրոցում, իսկ միջոցառման մասնակիցները 1-5-րդ դասարանի աշակերտներն էին։

Մանրամասները աուդիոնյութում.