Ուղեգիր Սաթխայից դեպի Անապա. Ամանորյա միջոցառում և խաղարկություն
Հունվարի 8-ին Նինոծմինդայի մունիցիպալիտետի Սաթխա գյուղի ակումբում անցկացվեց ամանորյա միջոցառում։ Մասնակցում էին 12-րդ դասարանի աշակերտները։ Կառնավալը ունկնդրելու էին եկել միջոցառման մասնակից երեխաների ծնողները, ուսուցիչները և գյուղի բնակիչները։ Աշակերտների կողմից ներկայացվեց հայկական և վրացական պարային համարներ, մանրապատումներ։
Միջոցառման ընթացքում ելույթ ունեցավ Սաթխայի բնակիչ Աշիկ Ծառուկյանը ով շնորհակալություն հայտնեց այն մարդկանց ովքեր նրանց կողքին են, այն երիտասարդներին ովքեր վերջերս տարբեր սպորտաձևերում մասնակցել և հաղթանակ էին ձեռք բերել։ Շնորհակալություն հայտնեց Սաթխացիներին ովքեր մինչև օրս համախմբված են և իրար կողք-կողքի են կանգնում յուրաքանչյուր հարցի դեպքում։
Կազմակերպվել էր խաղարկություն որտեղ կարող էին մասնակցել բնակիչները։ Խաղարկության մասնակիցների կողմից գնված տոմսերը՝ որոնք համարակալված էին թվերի տեսքով, պատահական կերպով տարայի միջից հանում էին թվանշանը և ում մոտ որ գտնվում էր այդ թիվը ապա նա ստանում էր նվերներ։
Խաղարկվում էր գումար բնակիչների կողմից և տարբեր տեսակի նվերներ։ Գլխավոր նվերն էր` ուղեգիր դեպի Անապա քաղաք։ Ուշագրավ նվերների շարքում Սաթխայի բնակիչների կողմից խաղարկվեց նապաստակ և շուն, որը զվարճացրեց հանդիսատեսին։ Այս հետաքրքիր և զվարճալի խաղարկությանը մասնակցում էին նաև արտասահմանում գտնվող բնակիչները։
Առաջարկում ենք ֆոտոշարք միջոցառումից
Opinion, pooling and voting
