«Յանի փարա ունեինք, տուրը տվինք»․ Հետամանորյա տրամադրությունը Նինոծմինդայում

Ամանորյա ծախսերը թանկ են նստել բնակիչների վրա։ Ինչպես նշում են Նինոծմինդայի բնակիչները, տրամադրություն չունեն։ Դա է վկայում NOR-ի հարցումը։

Հունվարի 13-ին NOR ռադիոկայանը վերսկսեց իր աշխատանքը, որը համընկավ հին Ամանորի հետ։

NOR-ի լրագրողները Նինոծմինդայի բնակիչների մասնակցությամբ անցկացրեցին հարցում, թե ինչ տրամադրություն է Ամանորից հետո և նշում են արդյոք հին Նոր տարին։ Բնակիչները մեր հետ զրույցում ասացին, որ ողջ գումարը ծախսել են Ամանորին, հիմա էլ տրամադրություն չունեն։ Բնակիչներից մեկը ասաց․«Ողջ գումարը ծախսեցինք Ամանորին մի օրվա և մի ամսվա համար, ամեն օր էլ Նոր տարի է, մի բաժակ խմեցիր՝ կլինի Նոր տարի։ Այդ ինչ հիմարություն է։ Հին Նոր տարին էլ մենք հներս գիտենք և միշտ էլ նշում ենք»։

Մեկ այլ բնակիչ նշեց․ «Եթե ասեմ, թե ինչպես ենք անցկացրել Նոր տարին, ասեմ շատ վատ, սխալ կլինի, կարելի է ասել բավարար։ Այն ծախսերը որը կապված է Նոր տարվա հետ, մարդուն մտահոգություն է պատճառում։ Նոր տարվանից հետո շատ վատ տրամադրություն է, ծախսերը որոնք կատարվել են Ամանորի համար, ինչ-որ կերպ պետք է փակենք»։

Բնակիչների հետ հարցման մանրամասները աուդիոնյութում․

Ըստ հուլյան տոմարի՝ հունվարի 13-ին նշվում է Հին Նոր տարին: Հին և նոր տոմարների միջև 20 և 21-րդ դարի առաջին կեսին տարբերությունը 13 օր է։ Հունվարի 13-ը համարժեք է դեկտեմբերի 31-ին։ Գրիգորյան տոմարը հաստատվել է 1582 թվականի հոկտեմբերին։ Մի շարք երկրներում, ըստ ավանդույթի՝ ոչ պաշտոնական նշվում է հին տոմարով Նոր տարին:

---

---