Ճապոնիայում 6,9 մագնիտուդով երկրաշարժ է տեղի ունեցել

6,9 մագնիտուդով երկրաշարժ է տեղի ունեցել Ճապոնիայի Միյաձակի պրեֆեկտուրայում՝ երկրի երրորդ ամենամեծ կղզու՝ Կյուսյուի հարավում։ Հայտարարվել է ցունամիի վտանգ, հայտնել է Ազգային օդերևութաբանական վարչությունը, փոխանցում է ՏԱՍՍ-ը:

Երկրաշարժից հետո մինչև 1 մ բարձրությամբ ցունամին հասել է Կյուսյուի արևելքում գտնվող ափին, իսկ արևելքում՝ հարակից Սիկոկու կղզի, զոհերի կամ ավերածությունների մասին տեղեկություններ չկան: Որոշ շրջաններում ալիքների բարձրությունը կազմել է 20 սմ։

Իշխանությունները, սակայն, պահանջում են տեղի բնակիչներին անհապաղ հեռանալ առափնյա գծից և զգույշ լինել: Ճապոնիայի վարչապետի աշխատակազմում ճգնաժամային շտաբ է ստեղծվել։

Երկրաշարժի գոտում գտնվող երկու ատոմակայանում խնդիրներ չեն հայտնաբերվել, հաղորդում է տեղական էներգետիկ ընկերությունը։ Տրանսպորտային միջոցների երթևեկությունն այս հատվածում բնականոն է։

---

---