Ծառուկյանը պատմել է՝ ինչպես է վնասվածք ստացել Մախաչևի հետ մենամարտից առաջ
Խառը մենամարտերի մասնակից Արման Ծառուկյանը խոստովանել է, որ մեջքի շրջանում առաջին անգամ ցավ է զգացել Իսլամ Մախաչևի հետ տիտղոսային մենամարտի նախօրեին։ Այս մասին նա պատմել է Արիել Հելվանիի հետ հարցազրույցում։
Ավելի վաղ Արման Ծառուկյանը հրաժարվել էր UFC-ի թեթև քաշային կարգում չեմպիոնի կոչման համար ռուսաստանցի Իսլամ Մախաչևի հետ մենամարտից։
«Ամեն ինչ լավ էր, բայց վերջին օրը՝ մարզումներից հետո, մեջքիս շրջանում ցավ զգացի։ Դրա պատճառով ամբողջ գիշեր չկարողացա քնել։ Կարծում էի` ամեն ինչ լավ կլինի, ասուլիսի հաջորդ օրը սկսեցի քաշ կրճատել։ Մարզասարքի վրա էի, երբ ցավը սաստկացավ, և ես չէի կարողանում շարժվել», – ասել է մարզիկը։
Նշենք, որ Ծառուկյանի ու Մախաչևի երկրորդ մենամարտը պետք է տեղի ունենար հունվարի 19-ին Լոս Անջելեսում։ Առաջինը տեղի էր ունեցել 2019 թվականի ապրիլին Սանկտ Պետերբուրգում և ավարտվել Մախաչևի հաղթանակով։
Արման Ծառուկյանը 28 տարեկան է, 25 պրոֆեսիոնալ մենամարտում 22 հաղթանակ է տարել։
Opinion, pooling and voting
