Խստացվում է ընտրական հանձնաժողովի գործառույթներին և գործունեությանը միջամտելու պատասխանատվությունը
Խստացվում են ընտրական հանձնաժողովի գործառույթներին և գործունեությանը միջամտելու համար նախատեսված պատիժները։ «Վրացական երազանքի» պատգամավորները նախատեսել են մի շարք փոփոխություններ ընտրական օրենսդրության մեջ։ Փոփոխությունները, ի թիվս այլ հարցերի, վերաբերում են ընտրական հանձնաժողովի գործունեությանը միջամտությանը և դրա հետ կապված տուգանքներին։
Գործող օրենքով նման գործողությունները պատժվում են 500 լարի տուգանքով։ Հաշվի առնելով Ընտրական օրենսգրքում նախատեսված փոփոխությունները՝ ընտրական հանձնաժողովի գործառույթներին և գործունեությանը միջամտելը կենթադրի 2000 լարի տուգանք։
Օրինագծի հեղինակներն ու նախաձեռնողները խորհրդարանի անդամներն են՝ Գիվի Միկանաձեն, Արչիլ Գորդուլաձեն, Ալեքսանդր Տաբատաձեն, Դավիթ Մատիկաշվիլին, Ռատի Իոնատամիշվիլին, Թոռնիկե Չեիշվիլին, Ալուդա Գուդուշաուրին, Թենգիզ Շարմանաշվիլին և Գուրամ Մաչարաշվիլին։ interpressnews.ge
Opinion, pooling and voting
