Աբխազիան փետրվարի 15-ից կարող է առանց էլեկտրականության մնալ

Աբխազիան փետրվարի սկզբին կարող է առանց էլեկտրաէներգիայի մնալ, էներգետիկայի աշխատանքային խմբի նիստում հայտարարել է հանրապետության նախագահի ժամանակավոր պաշտոնակատար Վալերի Բգանբան։ 

Աբխազիան օրական սպառում է 7,5 մլն կՎտ/ժ, որից 6-ը Ռուսաստանից է։

Կրիպտոարժույթների մայնինգը, որն արգելված է Աբխազիայում, սպառում է 25-ից 27 մեգավատ էլեկտրաէներգիա, ասել է Չեռնոմորէներգո ընկերության գործադիր տնօրեն Թիմուր Ջինջոլիան։

Նրա խոսքով, ընթացիկ գրաֆիկով հանրապետությունում էլեկտրաէներգիայի սպառման մակարդակը մնում է բարձր, միայն մինչև փետրվարի 15-17-ը հնարավոր կլինի ապահովել էլեկտրաէներգիա։ 

Հունվարի 1-ից սպառվել է 207,1 մլն կՎտ/ժ, մարդասիրական հոսքերից՝ 163 մլն կՎտժ, ԻնգուրՀԷԿ-ից՝ 30 մլն, Սուխում ՀԷԿ-ից՝ 5 մլն։

Վալերի Բգանբան հրաման է արձակել, համաձայն որի՝ Սուխումում և հանրապետության շրջաններում ստեղծվելու են տեղական օպերատիվ շտաբներ՝ պայքարելու էլեկտրական ցանցերին անօրինական միացումների դեմ՝ Չեռնոմորէներգո ՌՈՒԵ-ի իրավասության ներքո։ news.am

---

---