Գերազանց ուսանողները քաղաքապետարանից կստանան 500 լարիի չափով օգնություն

Գերազանց ուսանողները քաղաքապետարանից կստանան 500 լարիի չափով օգնություն

Նինոծմինդայի մունիցիպալիտետի քաղաքապետարանի որոշմամբ՝ գերազանց ուսանողները քաղաքապետարանից կստանան 500 լարիի չափով օգնություն։ Այս մասին հայտնում են քաղաքապետարանից։

Հայտարարության մեջ նշված է, որ ֆինանսական աջակցությունից կարող են օգտվել այն ուսանողները, ովքեր գրանցված են մումիցիպալիտետի տարածքում, սովորում են բարձրագույն ուսումնական հաստատություններում (բացի նախապատրաստական և մագիստրոսական կուրսերից) և ունեն բարձր ակադեմիական առաջադիմություն (91/100 միավոր)։

Դրամական աջակցություն ստանալու համար ուսանողը քաղաքապետարան պետք է ներկայացնի հետևյալ փաստաթղթերը.

  • Քաղաքապետին հասցեագրված դիմում
  • Ուսանողի անձնագրի պատճենը
  • Տեղեկանք՝ ուսման վայրից
  • Քաղվածք ուսանողի ուսումնական քարտից
  • Ուսանողի բանկային տվյալները։