Աիդա Մկրտչյանը ճանաչվել է տարածաշրջանի լավագույն շախմատիստուհի
Հունիսի 9-ին Ախալցիխեում տեղի ունեցավ շախմատի տարածաշրջանային մրցաշար, որում հաղթող ճանաչվեց Աիդա Մկրտչյանը Նինոծմինդայից:
Հունիսի 8-9-ը Ախալցիխեում առաջին անգամ անցկացվեց երիտասարդական սպորտային մրցաշար: Նինոծմինդայի մունիցիպալիտետը սպորտային մրցաշարին մասնակցեց 3 մարզաձևերով՝ բասկետբոլ, ֆուտբոլ, շախմատ:
Շախմատի մրցաշարը անցկացվեց 14-16 տարեկանների միջև: Նինոծմինդայի մունիցիպալիտետը ներկայացնում էին Դավիթ Սահակյանը և Աիդա Մկրտչյանը: Մրցաշարը անցկացվեց օլիմպիական համակարգով, ըստ որի պարտվողը դուրս էր մնում հետագա պայքարից: Աղջիկների միջև Աիդա Մկրտչյանը գրավեց առաջին հորիզոնականը՝ պարտության մատնելով իր բոլոր մրցակիցներին, իսկ Դավիթ Սահակյանը տղաների պայքաում գրովեց երրերդ հորիզոնականը:
Երիտասարդական սպորտային մրցաշարին մասնակցում էին 1-ական ներկայացուցիչ Սամցխե-Ջավախեթիի 6 շրջաններից՝ Ախալցիխեից, Ախալքալաքիից, Նինոծմինդայից, Բորժոմիից, Ադիգենից, Ասպինձայից: Մրցաշարը կազմակերպել էր Վրաստանի Սպորտի և երիտասարդության հարցերով նախարարությունը:
Տարածաշրջանային փուլի հաղթողները հուլիսին կգնան Անակլիա, որտեղ կմասնակցեն համազգային մրցաշարին:
Այս տարի բացի տղաներից ֆուտբոլի մրցաշարին մասնակցեց նաև Փոքր Խանչալի գյուղի աղջիկների ֆուտբոլի թիմը:
