Թրամփը հայտարարել է, որ պատրաստ է գործարք կնքել Իրանի հետ
ԱՄՆ նախագահ Դոնալդ Թրամփը հայտարարել է, որ կնախընտրեր Իրանի հետ գործարք կնքել, քան ռազմական գործողությունների դիմել։
«Ես կցանկանայի Իրանի հետ գործարք կնքել միջուկային հարցերի շուրջ, ես դա կգերադասեի ռմբակոծությունից»,- ասել է Թրամփը The New York Post-ին տված հարցազրույցում։
Նրա խոսքով՝ եթե նման գործարք ձեռք բերվի, Իսրայելը չի հարձակվի Իրանի վրա։ Այնուամենայնիվ, Թրամփը հրաժարվել է բացահայտել հնարավոր բանակցությունների մանրամասները։ Նախագահը հավելել է, որ կարող է իրանցիներին ասել այն, ինչ անհրաժեշտ է համարում և հույս ունի, որ նրանք կհրաժարվեն իրենց ներկայիս ծրագրերից։
«Ես նրանց կասեմ, որ պատրաստ եմ գործարք կնքել», – ասել է Թրամփը։
Opinion, pooling and voting
