Ինչի վրա կծախսվի «Օգնություն գյուղին» ծրագրով հատկացված գումարը Թորիա գյուղում
Նինոծմինդայի շրջանում «Աջակցություն գյուղին» ծրագրով հանդիպումները մեկնարկել են։
Այսօր՝ փետրվարի 12-ին, Նինոծմինդայի մունիցիպալիտետի տեղական ինքնակառավարման մարմինները վերոնշյալ ծրագրով հանդիպում ունեցան Թորիա գյուղի բնակիչների հետ։
Հանդիպմանը ներկա էին ավագանու նախագահ Վահան Արոյանը, Հեշտիայի գյուղական համայնքի պատգամավոր Սամվել Դարբինյանը, գյուղացիները և այլոք։
2025 թվականին «Աջակցություն գյուղին» ծրագրի ընդհանուր գումարը կազմում է 444 հազար լարի, որից 16 հազար լարին տրամադրվել է Թորիա գյուղին։
Հանդիպման ժամանակ գյուղացիների հետ քննարկվեց գյուղում առկա առաջնային խնդիրները։ Քննարկաման ընթացքում լսվեցին մի քանի տարբերակներ՝ գյուղացիների կողմից առաջարկվեց գյուղում կառուցել երիտասարդների և մեծերի համար նախատեսված տարածք, որտեղ կարելի է ժամանակ անցկացնել, գյուղի ծիսատան վերանորոգում, սպորտդահլիճի կառուցում և երեխաների խաղահրապարակի ցանկապատում և բարեկարգում։
Չնայած նրան, որ բնակիչները գոհ էին այն փաստից, որ այժմ գյուղում երեխաների համար կա խաղի եւ հանգստի վայր, սակայն մյուս կողմից էլ մտահոգված էին, որ խաղահրապարակը կառուցվել է ոչ բարեկարգ տարածքում։ Բանն այն է, որ տվյալ տարածքի հատվածում առկա է գոմաղբ ու խոշոր քարեր և հատկապես քարերի առկայությունը վտանգավոր է դարձնում երեխաների ժամանցը, ինչն էլ առաջացնում է ծնողների համար մտահոգություն։
Այդ իսկ պատճառով երկար քննարկումներից հետո գյուղացիների հետ համատեղ որոշվեց, ցանկապատել և բարեկարգել երեխաների համար նախատեսված խաղահրապարակը։
Հարկ է նշել, որ NOR ռադիոկայանը այս հարցին դեռ վաղ էր անդրադարձել։
Քննարկման մանրամասները աուդիոնյութում․
