Կեղծ փողի իրացման գործով մեկ անձ է ձերբակալվել

Վրաստանի ֆինանսների նախարարության քննչական ծառայության աշխատակիցները իրականացրած օպերատիվ-հետախուզական միջոցառումների և քննչական գործողությունների արդյունքում ձերբակալել են օտարերկրյա քաղաքացու՝ կեղծ փողի իրացման մեղադրանքով։

Հետաքննության արդյունքում պարզվել է, որ կասկածյալը՝ ապօրինի նյութական շահույթ ստանալու նպատակով, Թբիլիսիում տեղադրված արագ վճարման տերմինալների միջոցով իրացրել է ընդհանուր առմամբ 2,800 ԱՄՆ դոլար արժողությամբ 28 կեղծ 100-դոլարանոց թղթադրամ։

Կեղծ թղթադրամները ամբողջությամբ առգրավվել են քննչական գործողությունների արդյունքում։

Գործը հետաքննվում է Վրաստանի Քրեական օրենսգրքի 212-րդ հոդվածի առաջին մասով, որը նախատեսում է ազատազրկում 4-ից 7 տարի ժամկետով։