Նինոծմինդայում էր Վրաստանում Բելառուսի դեսպանը

Հունիսի 19-ին Վրաստանում Բելառուսի արտակարգ և լիազոր դեսպան Միխայիլ Մյատլիկովը պաշտոնական այցով Նինոծմինդայում էր:

Դեսպանը հանդիպում ունեցավ գամգեբելի Գագիկ Ղարսլյանի և գամգեոբայի գյուղատնտեսական ծառայության աշխատակիցների հետ:
Դեսպանը Մյատլիկովը նշեց, որ սա իր առաջին այցն է Նինոծմինդա: Ըստ նրա կլիմայական պայմանների տեսանկյունից Նինոծմինդան նման է Բելառուսին, ինչն էլ նշանակում է, որ այստեղ ևս գյուղատնտեսությունը մեծ զարգացում կարող է ունենալ:
Դեսպանը նաև նշեց, որ Բելառուսի և Նինոծմինդայի մունիցիպալիտետի միջև ինքը տեսնում է հեռանկարներ գյուղատնտեսության զարգացման առումով:

՛՛Այժմ մենք եզրեր ենք փնտրում , որպեսզի կազմենք համատեղ նախագծեր: Մեր աշխատանքի նպատակն է կազմել համատեղ նախագծեր, որոնցում կներգրավվեն վրացական և բելառուսական բիզնեսները: Բելառուսը պատրաստ է կիսվել իր փորձով, ինչպես նաև կամուրջ ստեղծել գյուղատնտեսության զարգացման համար՛՛,- նշեց դեսպանը:

---

---