Վրաստանում եղանակը կվատթարանա

Մարտի 17-ի կեսօրից հետո արևմտյան Վրաստանում, իսկ մարտի 19-20-ը հանրապետության շրջանների զգալի մասում սպասվում է անձրև, բարձր լեռնային շրջանների առանձին վայրերում հնարավոր է առատ ձյուն:

Ափամերձ շրջաններում հնարավոր է քամի, ծովում՝ 4-5 բալ ուժգնությամբ փոթորիկ։

Վրաստանի լեռնային շրջաններում օդի բարձր ջերմաստիճանի հետևանքով առաջացած ձնհալի ջրերը և ուղեկցվող ինտենսիվ անձրևները կարող են էապես բարձրացնել գետերի ջրի մակարդակը, առաջացնել վարարումներ, ինչպես նաև առաջացնել արևելյան Վրաստանի փոքր գետերի հեղեղումներ։ Հանրապետության բարձր լեռնային շրջաններում հնարավոր են ձնահոսքեր, իսկ լեռնոտ և լեռնային շրջաններում հնարավոր են սողանքներ և սելավներ (ռիսկի մակարդակը գնահատվում է բարձր):

---

---