Խորհրդարանի մոտ ուսանողներ են բերման ենթարկվել
Խորհրդարանի մոտ շարունակվող բողոքի ակցիայի ժամանակ մի քանի քաղաքացի է ձերբակալվել։ Ըստ դեպքի վայրում գտնվողների՝ նրանք ուսանողներ են։ Այս պահին առկա տեղեկատվության համաձայն՝ ներգրավված է երեք մարդ։
Սոցցանցերում շրջանառվող կադրերում երևում է, թե ինչպես են ոստիկանները բռնի ուժով նստեցնում մեքենա և տանում երկու հոգու։ Դեպքի վայրում հավաքվածները ոստիկաններին հարցնում էին, թե որն է իրենց բերման ենթարկելու պատճառը։ Մի երիտասարդ ոստիկանների աչքի առաջ սկսել է ծափահարել. Դրանից հետո մի քանի ոստիկան նրան բռնի ուժով նստեցրել են մեքենա ու տարել։
Ականատեսների վկայությամբ՝ Վրաստանի համալսարանի ուսանողները, որոնք արդեն հինգերորդ օրն է, ինչ գիշերում են խորհրդարանի մոտ, դեպքի վայր են բերել աթոռներ։ Ոստիկանները նրանց ասել են, որ չօգտվեն աթոռներից՝ նշելով, որ դրանք «վտանգավոր են»։ Ուսանողները մայթին աթոռներ դրեցին ու նստեցին։ Հենց դա էլ հանգեցրեց նրանց ձերբակալությանը։
Netgazeti-ն փորձում է կապ հաստատել Ներքին գործերի նախարարության հետ։ Նյութը կթարմացվի գործակալությունից տեղեկատվություն ստանալուց հետո:
Opinion, pooling and voting
