Բնակիչների անփույթությունը կոմունալ ծառայության համար խնդիր է
Հաճախ աղբամանների մեջ նկատելի է, կարտոֆիլի թափոններ, ինչպես նաև առկա է շինարարական աղբ, որոնք արգելված է լցնել աղբամանների մեջ, քանի որ աղբամանները նախատեսված են կենցաղային աղբի համար։
Նինոծմինդայի Պուշկին փողոցում, աղբամանի կողքին առկա է պարկերով շինարարական աղբ, որը արգելված է նետել։ Պարկերը արդեն երկու ամիս է ինչ նույն տեղում են։
NOR-ը կրկին անդրադարձել էր այս խնդրին։ Նախկինում կապ էինք հաստատել Կոմունալ ծառայության պետ Անդրանիկ Բդոյանի հետ, ով մեզ հայտնեց, որ տեխնիկան չի կարող բարձրացնել աղբամանները ծանրության պատճառով և կոտրվում են, քանի որ բնակիչները լցնում են շինարարական աղբ, կարտոֆիլի թափոններ և գոմաղբ։
Կոմունալ ծառայության աշխատակիցները պարտավոր չեն վերցնել աղբամանի կողքերին նետված պարկերը։
Հարկ է նշել, որ երբեմն ոչ միայն աղբամաններն են լցված շինարարական աղբով ու գոմաղբով, այլ նաև՝ աղբամանների կողքերը։ Դրա հետևանքով ստեղծվում է տհաճ տեսարան և հակասանիտարական պայմաններ։
Կոմունալ ծառայությունը ինչպես նաև NOR ռադիոկայանը բնակիչներին հորդորում են մաքուր պահել քաղաքն ու տարածքը։
Տեսանյութ․
- Աղբամաններից օգտվելու կանոնները պետք է պահպանել
- Կոտրված աղբամանները, Կոմունալ ծառայության լրացուցիչ աշխատանքը և առաջիկա ծրագրերը
Opinion, pooling and voting
