Կկառուցվեն նոր մինի-ստադիոններ
Նինոծմինդա քաղաքում, Գորելովկա, Սպասովկա, և Տամբովկա գյուղերում սկսվել են նոր մինի-ստադիոնների կառուցման աշխատանքները:
Այս տարի տեղական բյուջեից մինի-ստադիոնների կառուցման համար հատկացված է 191 000 լարի: Շինարարական աշխատանքներն իրականացնելու մրցույթը շահել է անհատ ձեռներեց Ռազմիկ Ղումաշյանը 142 240 լարի գումարի դիմաց:
Այս տարի կավարտվեն Սաթխա, Ռադիոնովկա և Փոկա գյուղերում մինի-ստադիոնների կառուցման աշխատանքները:
Ենթակառուցվածքների զարգացման հարցերով ծառայության ղեկավար Ռուբեն Ղազարյանի խոսքով` նոր մինի-ստադիոնների կառուցումը կավարտվի օգոստոս ամսին:
Մանրամասները լսեք մեր ռեպորտաժում.
Անահիտ Զալալյան