Տրանսկովկասյան մայրուղին փակ է Հյուսիսային Օսիայում տեղացող ձյան պատճառով
Տրանսկովկասյան մայրուղին փակ է Հյուսիսային Օսիայում տեղացող ձյան պատճառով: Այս մասին «ԻՏԱՌ-ՏԱՍՍ.-ին հայտնել է Ռուսաստանի ԱԻՆ-ի հանրապետական գլխավոր վարչության մամուլի ծառայության պետ Յուլյա Ստարչենկոն:
«Ժամը 12:30-ին Տրանսկովկասյան մայրուղին փակվում է ձյան պատճառով, որն սկսվել է գիշերը»,-ասել է նա: Ձյան բարձրությունը սարերի լանջերին կազմում է ավելի քան 80 սմ, առկա է ձնահոսքի վտանգ:
«Վատ տեսանելիության պատճառով այսօր ձնահոսքերի կրակոցներ չեն իրականացվի»,-ասել է Ստարչենկոն:
Բացի այդ, վատ եղանակային պայմանների պատճառով Վրաստանում փակվել է նաեւ ռազմավրացական ճանապարհը, իսկ վարորդների համար տաքանալու կետ է բացվել:NEWS.AM