Վրաստանը նախատեսում է էապես խստացնել միգրացիոն կանոնները
Վրաստանի ներքին գործերի նախարարությունը խորհրդարանին է ներկայացրել միգրացիոն օրենսդրությունը զգալիորեն խստացնող փոփոխությունների նախագիծ։ Խնդիրը վերաբերում է երկրում օտարերկրացիների գտնվելու կանոններին, ապաստանի ընթացակարգերին և արտաքսման մեխանիզմներին։
Հիմնական փոփոխությունները.
- Պատժի նոր տեսակը՝ օտարերկրացիների արտաքսումը և որոշակի ժամկետով երկիր մուտքի արգելքը, կամրագրվեն քրեական և վարչական օրենսգրքերում։
- Միգրացիոն կանոնները խախտելու համար տուգանքների ավելացում:
- Արտաքսման պարզեցված ընթացակարգ՝ Վրաստանում ապօրինի բնակվողների արտաքսման գործընթացի արագացում:
Ինչ կփոխվի ապաստանի հարցերում.
- Փախստականի կարգավիճակ ստանալու համար դիմումների արագացված քննարկում, եթե դիմումը չի ներկայացվում մուտքից անմիջապես հետո:
- Անմիջապես սահմանին հայտը քննարկելու հնարավորություն՝ առանց երկիր մուտք գործելու, եթե հիմքեր կան մուտքը ազգային անվտանգությանը սպառնացող համարելու համար:
- Որոշումների էլեկտրոնային ձևաչափ և բողոքարկման սահմանափակ ժամկետներ:
- Բնակության թույլտվության մերժում արտաքսման գործընթացի ենթակա անձանց:
ՆԳՆ-ն ընդգծում է, որ օրինագիծը մշակվել է Եվրախորհրդարանի եւ Եվրախորհրդի վերադասներին համապատասխան։
Ներկայում արտաքսման մասին որոշումները կայացնում են ՆԳՆ միգրացիոն վարչությունը և դատարանը։ Օտարերկրացիներին կամավոր հեռանալու համար տրվում է մինչև 30 օր: Մերժման դեպքում կիրառվում են հարկադիր միջոցներ, այդ թվում՝ ռեադմիսիա քաղաքացիության կամ մեկնման երկիր։
2024 թվականին իշխանությունների որոշմամբ Վրաստանը լքել է 430 օտարերկրացի։ Նրանց թվում են եղել բողոքի ակցիաների մասնակիցներ, ովքեր վարչական կալանքի են ենթարկվել։
Իրավապաշտպաններն այնուհետ մատնանշել են, որ նման գործելակերպը չի համապատասխանում միջազգային չափանիշներին: Նրանք նաև զգուշացրել են, որ խաղաղ ցույցերին մասնակցելու համար օտարերկրյա քաղաքացիներին արտաքսելը հակասում է ազգային օրենսդրությանը։
Opinion, pooling and voting
