Նինոծմինդայում ջրի արտահոսքերը շարունակվում են
Նինոծմինդայի Գոգոլ և Կարլ Մարքս փողոցների բնակիչները երկար ժամանակ է ահազանգում են ջրի արտահոսքի խնդիրների մասին։ Բնակիչների փոխանցմամբ՝ այս խնդիրը շարունակում է մնալ չլուծված։
Այսօր NOR ռադիոկայանի լրագրողները նույնպես ականատես եղան, որ Կարլ Մարքս փողոցի մայթին առկա է ջրի արտահոսք։
Խնդրի պատճառների ու լուծման ժամկետների մասին տեղեկություն ստանալու նպատակով կապ հաստատեցինք Վրաստանի միացյալ ջրամատակարարման Նինոծմինդայի մասնաճյուղի ղեկավար Արկադի Կվատաշիձեի հետ։ Սակայն նա հայտնեց, որ գտնվում է արձակուրդում և ասաց դիմել մյուս աշխատակցին։ Աշխատակիցը նշեց, որ որևէ տեղեկություն չեն կարող տրամադրել։
Ջուրը շարունակում է հոսել։
Կարդացեք նախորդ նյութերը՝
- Ոմանք խմելու ջրի խնդիր ունեն, իսկ փողոցներում էլ ջրի անտեղի արտահոսք է
- Գոգոլ փողոցի ջրի անտեղի արտահոսքը չի դադարում
- Գոգոլ փողոցում ջրի անտեղի արտահոսք է
Opinion, pooling and voting
