Թափարվան գետի մեջ ջրի հետ մեկտեղ աղբ է հոսում

Նինոծմինդայի մունիցիպալիտետի Ղաուրմա գյուղի միջով հոսող Թափարվան գետում թափվող առվակը, կրկին իր հետ բերում է աղբ, գետի եզրերի ամբողջ երկայնքը նույնպես վերածվել է աղբանոցի։

Գետում և գետի եզրերին առկա են կարտոֆիլի մնացորդներ, պլաստմասե և ապակե շշեր և այլ տեսակի աղբ։ Չնայած նրան, որ գյուղերում տեղադրված են աղբամաններ, այնուամենայնիվ բնակիչները աղբը նետում են շրջակա միջավայր։

Սա ևս մեկ անգամ փաստում է այն մասին, որ մոտակա բնակավայրերի բնակիչները հոգ չեն տանում բնության մաքրության մասին։ Հարկ է նշել, որ անցած տարիներին գետը մաքրվել էր աղբից։

Նինոծմինդայի և մունիցիպալիտետի գետերում կուտակված աղբը շարունակում է մնալ ամենակարևոր խնդիրներից մեկը: