«Ես պահանջում եմ ազատ արձակել բանտարկված լրագրողներին» | Հռոմի պապ Լևոն XIV

Հռոմի պապ Լևոն XIV-ը լրատվամիջոցների հետ իր առաջին հանդիպման ժամանակ կոչ է արել ազատ արձակել բանտարկված լրագրողներին։

«Թույլ տվեք կրկին հայտնել Եկեղեցու համերաշխությունը այն լրագրողների հետ, ովքեր բանտարկված են ճշմարտությունը փնտրելու և լուսաբանելու համար, և կոչ անել նրանց ազատ արձակել։

Ես մտածում եմ այն ​​լրագրողների մասին, ովքեր պատերազմը լուսաբանում են նույնիսկ իրենց կյանքի գնով։ Տեղեկացված եղեք նրանց քաջության մասին, ովքեր պաշտպանում են արժանապատվությունը, արդարությունը և մարդու իրավունքները, քանի որ միայն տեղեկացված անհատները կարող են ազատ ընտրություն կատարել։

Բանտարկված լրագրողների տառապանքները մարտահրավեր են նետում ազգերի և միջազգային հանրության խղճին, կոչ անելով մեզ բոլորիս պաշտպանել խոսքի և մամուլի ազատության թանկարժեք պարգևը։ «Շնորհակալություն, սիրելի՛ բարեկամներ, ճշմարտությանը ծառայելու համար», – ասել է Հռոմի պապ Լեոնը՝ դիմելով լրատվամիջոցների ներկայացուցիչներին և լրագրողներին Վատիկանի Պողոս VI համաժողովների դահլիճում։

Լրագրողների պաշտպանության կոմիտեի տվյալներով՝ անցյալ տարի ամբողջ աշխարհում բանտարկվել է 361 լրագրող։

Ցուցակում չի ներառվել Վրաստանում եվրոպամետ բողոքի ցույցերի ժամանակ ձերբակալված լրագրող և մեդիա մենեջեր Մզիա Ամաղլոբելին, քանի որ նա ձերբակալվել էր այս տարվա սկզբին։

Մզիա Ամաղլոբելին նախ վարչական կարգով ձերբակալվել է հունվարի 11-ին, ապա ազատ է արձակվել, իսկ մի քանի ժամվա ընթացքում՝ հունվարի 12-ին, նա կրկին ձերբակալվել է։

Բանտարկված լրագրողը ձերբակալությունից ի վեր արդեն 38 օր է, ինչ հացադուլ է անում։ Հացադուլի 24-րդ օրը նրան տարել են կլինիկա և բանտ վերադարձրել միայն հացադուլի ավարտից հետո։

---

---