Կարլ Մարքս փողոցով հոսող ջրի խնդիրը արդեն ավելի քան 10 օր է չի լուծվում
Նինոծմինդայի Կարլ Մարքս փողոցում արդեն ավելի քան տաս օր է, ինչ առկա է ջրի արտահոսք։ Ինչպես ասում են բնակիչները ամենայն հավանականությամբ, տեղի է ունեցել ջրագծի վնասում, ինչի հետևանքով արտահոսքը հասնում է մինչև կենտրոնական՝ Ազատություն փողոց։
Հարկ է նշել, որ այս նույն փողոցում նախկինում ևս արձանագրվել են նմանատիպ խնդիրներ, որոնք սակայն հետագայում լուծվել են։
Բնակիչների խոսքով՝ այս անգամ խնդիրը շարունակվում է արդեն ավելի քան տասը օր։ Նաև նրանք նշեցին, որ ջրի անընդհատ հոսքը խոչընդոտում է ինչպես հարակից տների բնակիչների անցուդարցին, այնպես էլ երեխաների ու տարեցների անվտանգ տեղաշարժին։ Բացի այդ, երեկոյան ժամերին, երբ ջրամատակարարումը դադարեցվում է, փողոցում տարածվում է տհաճ հոտ։ Հետևաբար, պարզ չէ՝ ջրամատակարարման, թե՞ կոյուղու համակարգն է վնասված։
Բնակիչների փոխանցմամբ՝ արդեն դիմել են Վրաստանի միացյալ ջրամատակարարման գրասենյակի Նինոծմինդայի մասնաճուղ, սակայն դեռևս ոչ մի գործողություն չի իրականացվել խնդրի լուծման համար։
Նինոծմինդայում ջրային ռեսուրսների անտեղի արտահոսքը օրերով մնում է չլուծված, այն ինչ քաղաքի տարբեր հատվածներում բնակիչները ունեն խմելու ջրի կարիք։
Այս խնդրի առնչությամբ տեղեկություն ստանալու նպատակով NOR ռադիոկայանը դիմեց Վրաստանի միացյալ ջրամատակարարման տարածաշրջանային գրասենյակ, այնտեղից էլ հրաժարվեցին տեղեկություն հայտնել։
Տեսանյութ․
Opinion, pooling and voting
