Նինոծմինդայի Գոգոլ և Կարլ Մարքս փողոցներում ջրի արտահոսքը վերացվել է

Նինոծմինդայի Գոգոլ և Կարլ Մարքս փողոցներում 10 օրից ավել տևած ջրի արտահոսքի խնդիրը վերջապես լուծվել է։

Վրաստանի միացյալ ջրամատակարարման Նինոծմինդայի մասնաճյուղի ղեկավար Արկադի Կվատաշիձեն NOR-ի հետ զրույցում նշեց, որ վերանորոգման աշխատանքները կատարվել են այսօր։ Ջրի արտահոսքը տեղի է ունեցել ջրատարի վթարի հետևանքով:

Նշենք, որ Կարլ Մարքս փողոցում արտահոսքը շարունակվում էր ավելի քան տասը օր՝ առաջացնելով անհարմարություններ բնակիչների համար և հնարավոր վնաս ենթակառուցվածքներին։

Հարկ է նշել, որ NOR ռադիոկայանը բազմիցս անդրադարձել է Նինոծմինդայի տարբեր փողոցներում ջրատար համակարգի խափանումների և ջրի արտահոսքի դեպքերին:

Տեսանյութ՝