«Լրագրողներ առանց սահմանների» – Բրիտանացի լրագրող Ուիլ Նիլին արգելվել է մուտք գործել Վրաստան

Եվս մեկ արևմտյան լրագրողի թույլ չտվեցին մուտք գործել Վրաստան։ Տեղեկատվությունը հրապարակել է «Լրագրողներ առանց սահմանների» (RSF) կազմակերպությունը։

Գործը վերաբերում է բրիտանացի լրագրող Ուիլ Նիլին, որին մայիսի 20-ին թույլ չեն տվել մուտք գործել Վրաստան հայ-վրացական սահմանին։ Նշվում է, որ Նիլը Վրաստանում բնակվում է 2022 թվականից։

«RSF»-ը նշում է, որ Նիլի Վրաստան մուտք գործելուց հրաժարվելը հաջորդում է ապրիլի սկզբին նրա դեմ սկսված զրպարտչական արշավին, որը գլխավորում էին վրաց քաղաքական առաջնորդները և կառավարամետ լրատվամիջոցները։ Նշվում է նաև, որ «նրանց հարձակումները» հաջորդել են Նիլի կողմից բրիտանական Byline Times ամսագրում հրապարակված հետաքննությանը, որում լրագրողը խոսում է Մեծ Բրիտանիայում գործող Hunnewell Partners մասնավոր ներդրումային խմբի և ռուս օլիգարխ Ռոման Աբրամովիչի միջև գործարար կապերի մասին, որը գտնվում է ԵՄ պատժամիջոցների տակ։ «Hunnewell Partners»-ը, իր հերթին, Բիձինա Իվանիշվիլիի բիզնես գործընկերն է և «տիրապետում է կառավարամետ «Imedi TV» հեռուստաալիքին»։

---

---