«Ինչպե՞ս կարող ենք քննարկել Վրաստանի հարցը Ուկրաինայի հետ բանակցություններում».Պեսկով
Ռուսաստանի նախագահի մամուլի քարտուղար Դմիտրի Պեսկովը մեկնաբանել է Reuters-ի հոդվածը, որը, հղում անելով երեք ռուսական աղբյուրների, նշում է, որ նախագահ Վլադիմիր Պուտինը ցանկանում է արևմտյան երկրներից խոստում ստանալ ՆԱՏՕ-ն արևելյան ուղղությամբ չընդլայնելու վերաբերյալ, «ինչը նշանակում է պաշտոնապես բացառել Ուկրաինային, Վրաստանին, Մոլդովային և այլ նախկին խորհրդային հանրապետություններին անդամակցությունից»։
«Այժմ շատ են խոսում։ Հաճախ դրանց մեծ մասը լիովին սխալ է, կամ կեղծ, կամ ուղղակի սուտ։ Այստեղ մենք պետք է շատ զգույշ լինենք այս ամենի հետ՝ հասկանալով, որ տեղի է ունենում դիրքորոշումների և մոտեցումների փոխանակում», – հավելել է Պեսկովը։
Ռուսաստանի նախագահի խոսնակին նաև խնդրել են մեկնաբանել Reuters-ի պնդումները, որ Ռուսաստանը, իբր, պնդելու է ՆԱՏՕ-ին չանդամակցելու երաշխիքների վրա ոչ միայն Ուկրաինայի, այլև Վրաստանի և Մոլդովայի համար. կարո՞ղ է սա քննարկվել բանակցություններում։
«Ինչպե՞ս կարող ենք քննարկել Վրաստանի հարցը Ուկրաինայի հետ բանակցություններում։ Սրանք երկկողմ, ուղիղ բանակցություններ են», – համաձայն չէ հարցի ձևակերպման հետ։
Պեսկովը նաև նշել է, որ նրանք չեն պատրաստվում հրապարակայնորեն քննարկել համաձայնեցված փաստաթղթերը։
«Մենք կարծում ենք, որ սա պետք է արվի դիսկրետ, ոչ հրապարակային եղանակով։ Եվ որոշ դիրքորոշումներ մամուլի միջոցով փոխանակելը չափազանց սխալ կլինի», – նշեց նա։
Հիշեցնենք, որ ՆԱՏՕ-ի ընդլայնումը դեպի արևելք, ըստ Ռուսաստանի արտաքին գործերի նախարար Սերգեյ Լավրովի, դարձավ հակամարտության «հրահրիչը»։ 2021 թվականի դեկտեմբերին Ռուսաստանը առաջարկեց, որ ՆԱՏՕ-ն և Միացյալ Նահանգները ստորագրեն անվտանգության երաշխիքների վերաբերյալ փաստաթղթեր, որոնք կամրագրեին նախկին խորհրդային երկրներին, այդ թվում՝ Ուկրաինային և Վրաստանին, դաշինք ընդունելուց հրաժարվելը։ Դաշինքը պնդեց «բաց դռների» դիրքորոշմանը իր հավատարմության վրա։
Ավելացնենք, որ Ռուսաստանի նախագահ Վլադիմիր Պուտինը հայտարարել է, որ Ուկրաինայի չեզոք կարգավիճակը հիմնարար նշանակություն ունի Ռուսաստանի համար։
Opinion, pooling and voting
